Elona Tereziu, Blertina Koka / Shendeti.com.al
Duket sikur është natë, por në fakt është mesi i ditës. Mungesa e energjisë ka bërë që qendra shëndetësore të bie në heshtje.
Tek tuk shikon ndonjë njeri që endet nëpër korridore duke pyetur “Çfarë ka ndodhur?”. Pasi mëson se ka pasur mungesë energjie për disa orë, për arsye që nuk dihen akoma, dhe nuk mund të kryejë analizat për të cilat ka ardhur, vendos të largohet…
Kjo ishte panorama e ofruar dje në Qendrën Shëndetësore të Specialiteteve nr. 3, në qendër të Tiranës.
Gazeta “Shëndet+” mëson se ikja e energjisë përgjatë gjithë ditës ka bërë që të pezullohet puna të paktën për sa i përket shërbimit ekografik dhe analizave. Pacientë të shumtë, të cilët kishin ardhur me planifikim, janë detyruar të kthehen pa mbaruar punë.
Ndërprerja për orë të gjata e energjisë elektrike në spitale apo qendra shëndetësore tashmë është bërë e zakonshme.
Në muajin gusht të këtij viti gazeta “Shëndet+” denoncoi skandalin e ndodhur në QSUT, ku ndërprerja e energjisë elektrike vuri në rrezik jetën e disa pacientëve që po merrnin shërbimin e dializës (lexo më shumë këtu)./ https://shendeti.com.al/
