Ka ndërruar jetë mëngjesin e sotëm ish-kryeministri i Kosovës, Bajram Rexhepi. Lajmi është bërë i ditur nga media kosovare Indeks Online.
Rexhepi ndodhej prej muajsh në koma në një spital në Turqi, pas një goditjeje të pësuar në tru. Ai fillimisht ishte shtruar në Qendrën Klinike Universitare të Kosovës, ku edhe i është nënshtruar operacionit, mirëpo për shkak të gjendjes së rëndë ishte transferuar në Turqi.
