Kryefaqja Aktualitet Ndërron jetë në spitalin infektiv pacienti 61-vjeçar, viktima e 5 me COVID-19...

Ndërron jetë në spitalin infektiv pacienti 61-vjeçar, viktima e 5 me COVID-19 në vend

0
Shpërndaje

Ka ndërruar jetë një tjetër pacient i infektuar me COVID-19 tek Infektivi. Ministria e Shëndetësisë dhe Mbrojtjes Sociale njofton se viktima e pestë është një 61-vjeçar nga Tirana, i cili ishte i shtruar tek Spitali i Infektivit.

Sipas MSHMS, 61-vjeçari ishte vendosur në frymëmarrje të drejtuar (respirator) për disa orë, por nuk ka mundur të mbijetojë.

Njoftimi i Ministrisë së Shëndetësisë:

Gjatë mëngjesit të sotëm ndërroi jetë një pacient 61-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.

61-vjeçari nga Tirana është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë.

61-vjeçari kishte sëmundje bashkëshoqëruese. 61-vjeçari është viktima e pestë i prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.

LËR NJË MESAZH

Please enter your comment!
Please enter your name here