Mirëdita! Unë ndiej se kam kërcitje në kraharor sa herë që hap kraharorin. Ju lutem, a mund të më thoni se çfarë mund të jetë?
Përgjigje 1 nga mjekja kardiologe Manjola Liko
Kërcitja e kraharorit nuk është një problem që vjen nga zemra, edhe pse pacienti ankohet për kraharorin. Mënyra sesi ai e përshkruan shqetësimin, mund të them që nuk ka lidhje me zemrën. Është mirë që pacienti të konsultohet me mjekun reumatolog.
Përgjigje 2 nga mjekja reumatologe Julia Kollçaku
Duke u nisur nga shenjat për të cilat ankohet pacienti, mund të them se flitet për osteoartrit të artikulacionit të prekur. Duhet patjetër që pacienti të bëjë një radiografi (ROX). Sigurisht, për të dhënë një përgjigje më të saktë duhet që ta vizitojmë pacientin. Në raste të tilla nuk është aspak e këshillueshme që të neglizhohet vizita tek mjeku i familjes e më tej tek mjeku specialist.
