Në mendjet tona, plazhi sjell lumturi: diell, det, relaksim. Por, në realitet, shpesh kthehemi që andej më të lodhur sesa kemi shkuar. Ky nuk është një perceptim i yni, ka arsye.
I dyshuari i parë është vapa. Në Shqipëri, termometri në verë shpesh tejkalon 35°C. Trupi, duke u përpjekur të mbajë një temperaturë afër 37°C, punon jashtë orarit: djersitemi, gjaku qarkullon më intensivisht, humbasim lëngje.
Arsyet e tjera pse plazhi na lodh
Nuk është vetëm nxehtësia, është edhe dielli. Rrezatimi UV shkakton stres në lëkurë dhe, në doza të mëdha, inflamacion, dhimbje koke ose edhe përgjumje. Edhe nëse keni vënë krem mbrojtës nga dielli, shkëlqimi dhe reflektimet në ujë dhe rërë i lodhin sytë.
Plazhi është gjithashtu një sfidë e vogël për shqisat. Drita, tingujt, ndryshimet e temperaturës (nga rëra e nxehtë në ujin e ftohtë) e mbajnë sistemin nervor në gatishmëri të vazhdueshme. Dhe pavarësisht se sa të këndshme janë valët apo të qeshurat e fëmijëve, mbistimulimi është i lodhshëm.
Mos harroni përpjekjen fizike: ecjen në rërë, notin, mbajtjen e çadrave dhe çantave. Rëra e bën çdo hap më të vështirë, noti është ushtrim, ndërsa argëtimi, “harxhon” energji.
Kujdes nga dehidratimi
Shtojini kësaj edhe dehidratimin, pasi humbasim elektrolite si natriumi dhe kaliumi nëpërmjet djersës. Edhe një humbje e vogël e këtyre mund të çojë në dobësi dhe dhimbje barku.
Së fundmi, ekziston faktori psikologjik: ne presim që plazhi të na relaksojë. Megjithatë, nëse gjejmë zhurmë, mbipopullim ose shqetësim, zhgënjimi rrit lodhjen.
Çfarë mund të bësh?
Pini shumë ujë dhe pije me elektrolite.
Uluni në hije.
Vishni një kapelë dhe syze dielli.
Shmangni orët më të nxehta (12:00-16:00).
Hani lehtë dhe organizoni pajisjet e tua për të mbajtur më pak gjëra me vete.
Plazhi nuk është vetëm për paqe dhe diell, është një mjedis që kërkon përshtatje të vazhdueshme nga trupi dhe mendja. Nëse e “trajtoni” siç duhet, mund të jetë vërtet gjallërues.
