Të hënën pritet që kryeministri Edi Rama të bëjë disa ndryshime të rëndësishme në qeveri. Pjesë e këtyre ndryshimeve, sipas mediave shqiptare, është edhe shkarkimi nga detyra i disa ministrave në kabinetin e qeverisë, një ndër to edhe ministri i Shëndetësisë, Ilir Beqaj.
Mediat raportojnë se Rama po mendon të shkarkojë nga detyra ministra që janë njëkohësisht drejtues politikë në qarqe, për t’u fokusuar me kohë të plotë në angazhimin elektoral.
Ministri i Shëndetësisë Ilir Beqaj është njëkohësisht edhe i deleguari i Partisë Socialiste në Qarkun Kukës dhe mund të jetë pjesë e planit të Ramës për shkarkimin e ministrave pak para zgjedhjeve elektorale.
Që me vendosjen e tij në krye të ministrisë së Shëndetësisë, Ilir Beqaj është akuzuar për përfshirje në afera korruptive me tenderët në shëndetësi./ https://shendeti.com.al/
