Produktet novatore të duhanit që kanë hyrë së fundmi në tregun shqiptar, si cigarja elektronike dhe duhani me ngrohje, do të konsiderohen produkte duhani dhe do të trajtohen si të tilla. Ndaj, subjektet që lejojnë konsumimin e tyre do të gjobiten 6 fish më tepër se më parë.
Ministria e Shëndetësisë dhe Mbrojtjet Sociale ka njoftuar sot miratimin e ndryshimeve në ligjin “Për mbrojtjen e shëndetit nga produktet e duhanit”, me qëllim me forcimin e masave kundër duhanpirjes dhe përfshirjen në ligj të të gjitha produkteve të duhanit që dëmtojnë shëndetin e qytetarëve. Ndryshimet e reja në ligj parashikojnë ndalimin e pirjes së cigares elektronike, duhanit me ngrohje, shisha/nargjile në ambientet e mbyllura, si dhe shitjes së produkteve të duhanit me shije karakteristike dhe shitja e paketave të duhanit me numër të reduktuar cigaresh, si masë për të dekujaruar duhanpirjen.
Ministria e Shëndetësisë dhe Mbrojtjes Sociale paralajmëron shumëfishim gjobash deri në 6 herë për shkelësit e ligjit, deri në heqje license./ Shendeti.com.al
