Deri në moshën 36-vjeçare mendojmë që jemi të pathyeshëm, por pas kësaj moshe gjithçka ndryshon. Sipas studimeve, kjo është mosha ku fillojmë të ndërgjegjësohemi për parimet morale dhe jetesën e shëndetshme. Vdekjet në familje, paralajmërimet nga doktorët ose fotot e papëlqyeshme janë gjërat që i bëjnë njerëzit të mendojnë seriozisht.
Për të vlerësuar qëndrimin e njerëzve për shëndetin u bë një studim me 2 mijë njerëz. Nga studimi rezultoi se 56% e tyre ishin të dhënë pas jetës jo të shëndetshme pa marrë parasysh pasojat. Në moshën 36-vjeçare njerëzit fillojnë të marrin seriozisht gjërat duke kontrolluar dietën e tyre, si dhe duke treguar kujdes në mosabuzimin me alkoolin.
Rob Anderson, drejtor në “Spire Bristol”, shprehet se shëndeti është parësor në moshën 36-vjeçare. Ndryshimet në stilin e jetesës dhe dhënia rëndësi e kujdesit shëndetësor mund të rrisë jetëgjatësinë. Megjithatë, pavarësisht “zgjimit” në moshën 36-vjeçare, njerëzit mund të bien pre e zakoneve të vjetra. Rob Anderson shtoi se në momentin që njerëzit marrin përgjegjësi për shëndetin e tyre, duhet të bëjnë të gjitha vizitat e duhura për të jetuar shëndetshëm.
10 momente kur duhet të shqetësohesh për shëndetin.
-Ndihesh i/e vjetër.
-Kur fillon të ndihesh i/e shqetësuar për shëndetin.
-Kur një i afërm i ngushtë vdes.
-Kur doktori paralajmëron për diçka.
-Një person i afërt ndihet sëmurë.
-Kur një program televiziv flet për kequshqyerjen.
-Komentet negative për shëndetin të bëjnë nervoz/e.
-Kur ke një problem serioz.
-Kur bëhet një mesazh sensibilizues.
