Denisa Canameti, gazeta “Shëndet+” dhe Shëndeti Online
Pacientët nuk e kursejnë Ministrin e Shëndetësisë, Ilir Beqaj, në asnjë postim të tij në rrjete sociale. Çdo promovim të suksesit të rradhës në shëndetësi, pacientët e eklipsojnë me lumë komentesh/ankesash që lidhen me mungesat në spitale, e veçanërisht për mungesat në medikamente. Nuk bëhet fjalë për medikamente të shtrenjta, por për ato më baziket, si ultrakorteni.
Denoncimi i rradhës vjen nga pacientët në spitalin “Shefqet Ndroqi”.
“Ca thua o zotëri?! Kam 2 ditë që kam shtruar babain me azëm bronkiale të formës së rëndë në “Sanatorium”. Ka 2 ditë që nuk i bëjnë ultrakorten se spitali nuk ka. A je në terezi?!
Ca na publikon këtu. Nuk kemi nevojë për propaganda shoviniste. Kemi nevojë për mjekim dhe shërbim.
Ti nuk ke ilaçe në mes të Tiranës, po na diskuton për rrethet. Unë personalisht nuk i besoj propagandës e llafeve por i besoj fakteve. Haram ti keni taksat që ne paguajmë për këtë shtet” përfundon komenti në faqen zyrtare të Ministrit Beqaj.
