Përgatiti për Gazetën Shëndet Plus, Nutricionistja: Francesca Basha
Nespullat gëzojnë veti të shkëlqyera dhe ofrojnë përfitime të shumta për shëndetin tonë. Mjekësia tradicionale kineze gjithashtu i njeh nespullat si fruta të rëndësishme shëruese, le të zbulojmë më shumë.
Nespullat janë fruta të ëmbla dhe të lëngshme, me origjinë nga Kina jug-lindore, nga ku së pari ato u përhapen në Japoni dhe më pas në të gjithë botën. Këto fruta rriten në pemë me gjethe jeshile të errët dhe të ndritshme. Shumë prej nesh janë me fat nëse mund ta rrisin bimën në kopshtin e tyre.
Emri shkencor i bimës është Eriobotrya japonica (nespulla japoneze) që dallohet nga Mespilus germanica (nespulla evropiane), një pemë e vogël me gjemba që prodhon fruta ngjyrë kafe e lehtë. Nespullat gëzojnë veti të shumta: janë të mira për zemrën, janë miqësore ndaj syve dhe mbrojnë lëkurën. Përveç kësaj, ato janë fruta me pak kalori (sigurojnë 47 kalori në 100 g) dhe janë një burim i shkëlqyeshëm i vitaminave, mineraleve dhe fibrave. Ato gjithashtu përmbajnë rreth 87% ujë.
Përmbajtja e yndyrës dhe proteinave është më pak se një gram. Karbohidratet janë rreth 6 gr, kryesisht sheqerna, veçanërisht glukozë dhe fruktozë, me një prani të rëndësishme të sorbitolit. Fibrat janë rreth 2 gr.
Midis mineraleve, prania e kaliumit, manganit dhe magnezit është e mirë. Shija e thartë është për shkak të pranisë së acideve organike, veçanërisht të acidit malik, përmbajtja e të cilit gradualisht zvogëlohet gjatë pjekurisë se frutave.
Ngjyra e ndritshme portokall tregon një prani të pasur të karotenoideve, pararendësve të vitaminës A. Me bollëk përmbajtja e komponimeve fenolike me veti te forta kunder plakjes, duke përfshirë acidin klorogjenik, acidet koumarike, të përqendruar kryesisht në lëkurë dhe në një masë më të vogël në tulin e frutave. Përqendrimi i këtyre substancave ndryshon në shkallë të ndryshme gjatë pjekjes së frutave, me acid klorogjenik i cili rritet ndjeshëm gjatë procesit të pjekjes.
| Vlerat ushqimore për 100 gram nespulla | |
| Ujë | 86,73 g |
| kcal | 47 |
| Proteina | 1.7 gr |
| Yndyrna | 0,2 gr |
| prej të cilave të ngopura | 0,04 gr |
| Karbohidratet | 12,14 gr |
| Fibra | 1,7 gr |
| Kalium | 266 mg |
| Indeksi glicemisë | 55 |
REFERENCA
Phenolic Composition from Different Loquat (Eriobotrya japonica Lindl.) Cultivars Grown in China and Their Antioxidant Properties by Wenna Zhang 1,2, Xiaoyong Zhao 1,2,Chongde Sun 1,2,3,Xian Li 1,2,3,* and Kunsong Chen
Pomological Traits, Sensory Profile and Nutraceutical Properties of Nine Cultivars of Loquat (Eriobotrya Japonica Lindl.) Fruits Grown in Mediterranean Area
C Gentile 1, C Reig 2, O Corona 3, A Todaro 4, A Mazzaglia 5, A Perrone 1, G Gianguzzi 4, M Agusti 2, V Farina 4
