Kryefaqja Lajm kryesor Nga infeksionet deri tek shtatzënia: Ç’tregon shija e keqe në gojë

Nga infeksionet deri tek shtatzënia: Ç’tregon shija e keqe në gojë

0
Shpërndaje

Një shije e keqe në gojë mund të nënkuptojë një problem tepër serioz. Më poshtë keni të renditura disa nga arsyet kryesore:

Infeksion

Infeksioni në fjalë shkaktohet nga një bakter i quajtur Candida Albicans, i cili gjen terren për të qëndruar brenda gojës suaj dhe kontrollohet nga sistemi imunitar. Sapo sistemi në fjalë dobësohet, bakteri riprodhohet me shpejtësi duke shkaktuar infeksion. Kështu do të vini re praninë e pikave/copëzave të vogla në fyt, që shkaktojnë gjithashtu një shije të çuditshme.

Ka një sërë arsyesh përse mund të keni një shije si metalike në gojë, nga ilaçet deri tek higjiena e dobët orale. Me zbulimin e shkakut mund të trajtoni edhe problemin e shijes së hidhur në gojë.

Shëndeti oral

Duhet të tregoni kujdes me higjienën dentare. I lani dhe pastroni dhëmbët rregullisht për të shmangur problemet me mishrat e dhëmbëve, si gingivit, periodontitit dhe infeksionet e dhëmbëve. Këto probleme mund t’ju lënë një shije të keqe në gojë. Nëse shkaku është shëndeti i dobët oral, mund të keni gjithashtu ënjtje të mishrave të dhëmbëve, gjakderdhje ose erë të keqe të gojës. Mund të bëni një vizitë tek dentisti për një pastrim më profesional të dhëmbëve dhe pyetni nëse keni nevojë për një ilaç për trajtimin e ndonjë infeksioni.

Ftohje dhe infeksione të tjera

Ftohjet, infeksionet e sinusit dhe infeksionet në rrugët e frymëmarrjes mund të ndryshojnë shijen në gojë. Nëse ky është shkaku, mund të keni edhe simptoma të tjera, si bllokim dhe rrjedhje të hundëve, dhimbje të fytit dhe kollë.

Pushoni, pini sa më shumë lëngje dhe merrni edhe qetësues nëse është e nevojshme. Shija metalike do të largohet menjëherë sapo të filloni të përmirësoheni.

Mjekimi me ilaçe

Ilaçet si antibiotikët mund t’ju lënë me një shije metalike në gojë. Të tjerë shkaqe të mundshme në kabinetin e ilaçeve janë:

  • Ilaçet për zemrën
  • Ilaçet për gutën
  • Ilaçet që përdoren për trajtimin e depresionit dhe problemeve të tjera me shëndetin mendor.

Nëse ju bezdis shumë shija metalike, flisni me mjekun, por pa hequr dorë nga ilaçet pa aprovimin e tyre.

Vitaminat

Vitaminat prenatale, hekuri ose suplementet e kalciumit mund të jenë shkaku i shijes metalike në gojë. Multivitaminat me kopër, zink ose kromium gjithashtu lënë një shije të hidhur. Lajmi i mirë është se kjo shije e hidhur largohet menjëherë pasi keni pirë pilulat.

Problemet me sistemin tretës

Acidi refluks dhe problemet me sistemin tretës mund të jenë përgjegjës për shijen metalike. Simptoma të tjera që paralajmërojnë se keni këto probleme janë fryrja e barkut dhe ndjesia e djegies në kraharor pas ushqyerjes.

Shmangni ushqimet pikante, e hani darkën herët dhe merrni antacide nëse vuani nga refluksi.

Nëse vazhdoni të keni probleme me sistemin tretës, vështirësi në gëlltitjen e ushqimit ose keni dhimbje, bëni një kontroll mjekësor. Shija e hidhur në gojë do të largohet kur të keni nën kontroll edhe problemet me sistemin tretës.

Shtatzënia

Nuk është çudi që shija në gojë të ndryshojë gjatë shtatzënisë. Ju mund të zhvilloni një shije si metal në fillim të shtatzënisë. Kjo shije është e përkohshme dhe largohet vetvetiu.

Demenca

Gjërat shpesh shijojnë ndryshe për personat që vuajnë nga demenca. Kjo ndodh sepse pjesa e trurit që kontrollon shijen shpesh ndalon së funksionuar mirë.

Burimi: WebMD / Shendeti.com.al

LËR NJË MESAZH

Please enter your comment!
Please enter your name here