Përshtati në shqip për “Shendeti.com.al”: Blertina Koka
Një 44-vjeçar nga Britania është personi i parë në të gjithë historinë e njerëzimit që është kuruar nga virusi HIV. Shkencëtarët që janë marrë me eksperimentimin e terapisë së re thonë se virusi është zhdukur krejtësisht nga gjaku i pacientit.
Një ekip shkencëtarësh të mbledhur nga 5 universitete britanike po kryejnë testime tek 50 pacientë.
“Ne po shqyrtojmë mundësinë e vërtetë për të kuruar HIV/AIDS-in. Kjo është një sfidë e madhe dhe është akoma herët, megjithatë progresi është i jashtëzakonshëm”, shprehet Mark Samuels, drejtor dhe menaxher i Institutit Kombëtar të Zyrës Kërkimore të Shëndetit në Britaninë e Madhe.
Aktualisht, terapitë kundër virusit HIV mund të shënjestrojnë qelizat aktive T të infektuara me HIV, por nuk mund të trajtojnë qelizat pasive T. Kjo do të thotë se trupi i pacientit vazhdon ta riprodhojë virusin.
“Kjo terapi është projektuar posaçërisht për të pastruar trupin nga të gjitha viruset HIV, përfshirë edhe ato pasive”, shpjegon prof. Sarah Fidler, pjesë e Kolegjit Imperial në Londër.
Terapia e re konsiston në dy faza: faza e parë, ku injekohet një vaksinë, e cila njeh çdo qelizë të infektuar me HIV, ndërsa faza e dytë ka të bëjë me përdorimin e një ilaçi të quajtur Vorinostat, që aktivizon qelizat T pasive.
Kjo metodë i jep sistemit imunitar të pacientit mjetet që i nevojiten.
Sipas prof.. Fidler, nevojiten të kryhen më shumë kërkime shkencore derisa të arrihet tek terapia përfundimtare.
“Në do të vazhdojmë me testet për 5 vitet në vazhdim dhe nuk do të ndalohet asnjë kurë, deri në atë përfundimtare. Shpresojmë që më në fund të kemi të bëjmë me kurën përfundimtare të HIV/AIDS”, thotë ajo.
Burimi: Gizmodo / https://shendeti.com.al/
