Boronicat mund të ndihmojnë në kapërcimin e traumave dhe kujtimeve të këqija të përjetuara. Një përfundim i tillë doli nga një kërkim i kryer tek minjtë “me probleme të stresit post traumatik” si pasojë e një “përjetimi negativ” pas takimit me armikun e tyre më të madh: macen.
Studimi u paraqit në takimin “Biologjia Eksperimentale” në Boston, SHBA, studim i kryer pranë Universitetit të Luizianës.
Çrregullimet e stresit post-traumatik, nga të cilat vuan rreth 8% e popullsisë, përbëjnë një problem të rëndësishëm dhe të vështirë për t’u shëruar: sot për sot, të vetmet ilaçe të përdorura si terapi, janë disa antidepresivë që, në fakt, kanë një efikasitet të pjesshëm. Psikoterapia ndihmon, por zakonisht jo në mënyrë përfundimtare.
Një ndihmë e madhe vjen nga boronicat, që sot vlerësohen shumë për përmbajtjen antioksiduese.
Të vënë për së dyti përballë maces, armikut të tyre më të madh, minjtë e ushqyer për një muaj me një dietë të pasur me boronicë, dukej se e kishin kaluar traumën e fundit.
Konsumi i boronicave rrit nivelet e serotoninës, molekulës së rëndësishme që shërben si një rregullator për humorin, duke dhënë efekte të ngjashme me atë të antidepresivëve.
Edhe pse ende në fazat paraprake, ky studim është interesant, sepse tregon një mënyrë alternative për çrregullimet post-traumatike.
Përshtati në shqip: A.Gjypi
