Edhe oraret e vakteve janë të rëndësishme kur bëhet fjalë për dietat. mëngjesi është mirë të hahet mes orës 7:00 – 7:30 (orari ideal është 7:11); dreka është mirë të hahet mes orës 12:30-13:00, më mirë nëse hahet në 12:38, ndërsa darka nuk duhet të hahet vonë, mirë është të hahet para orës 19:00, idealja do të ishte ora 18:14. Këto shifra dalin nga një studim i kryer në Mbretërinë e Bashkuar nga një agjenci që prodhon dhe tregton prodhime dietike, raporton ANSA.
Agjencia ka kryer një sondazh me 1000 vetë të përfshirë që ranë në peshë në mënyrë të shëndetshme duke u ushqyer në oraret ideale që sigurisht nuk kanë pse ndiqen në mënyrë strikte, por është mirë të kthehen në ritual, pasi janë thelbësore në një dietë. Sipas përvojës së personave që ranë nga pesha, është mirë që të hahen të gjitha vaktet, dreka të jetë e lehtë dhe në mbrëmjet e kaluara para televizorit, të mos bihet në kurthin e të ëmblave apo patatinave pas darke.
