Presidenti i Shqipërisë, Bujar Nishani, i ka kërkuar kryeministrit Rama ta lërë ‘shown’ dhe ekzibicionin dhe të fillojë menjëherë nga puna për të cilën është ngarkuar që tre vjet më parë.
Përmes një reagimi të publikuar në faqen zyrtare të Presidencës, Nishani i ka radhitur kryeministrit Rama disa detyra që ka për obligim t’i realizojë. Një ndër këto detyra lidhet me shëndetësinë.
Nishani i ka kërkuar Ramës që “t’u ofrojë shërbimin shëndetësor publik qytetarëve që vuajnë çdo ditë nga nevoja për trajtim mjekësor”.
Një tjetër kërkesë e Nishanit është që “të krijojë mundësitë për punësim të qytetarëve të vendit, të cilët po vuajnë nga një situatë e rëndë ekonomike”.
Presidenti beson vendosmërisht se, përtej pengesave provizore, Shqipëria do të ecë përpara drejt forcimit dhe begatimit.
