Qeveria shqiptare ka dhënë autorizimin për ndërtimin e një centrali diellor 7.5 Mw në Malësinë e Madhe, në Lohajn e Poshtme. Centrali do të ndërtohet nga “Malësia Solar 1”, “Malësia Solar 2”, dhe “Malësia Solar 3” shpk brenda marsit 2017. Centrali do të përbëhet nga 29400 module fotovoltaike dhe pritet të prodhojë 15,000 Mwh energji elektrike në vit, ose energji elektrike sa për 5000 familje. Në bazë të marrëveshjes me qeverinë, centrali do të duhet t’i japë 2% të energjisë së prodhuar, ose vlerën ekuivalente qeverisë, si rentë. Projekti është një investim i përbashkët bullgaro-shqiptar.
