Përshtati në shqip: Daniela Bardhi
Në përgjithësi pastruesit e mirë kushtojnë shtrenjtë. Mbase mund t’ju duket qesharake, por janë disa produkte, si: sheqer, kafe, vajra esencialë, të cilët kushtojnë fare pak dhe janë mrekullibërës në pastrimin e fytyrës suaj. Për më tepër, janë për të gjitha llojet e lëkurave, kështu që përse nuk provoni t’i bëni vetë? Këtu po paraqesim një pastrues (skrab) që mund ta përgatisni lehtësisht në kushte shtëpiake:
Pastrues me sheqer kaf dhe mjaltë
Ky pastrim është i thjeshtë dhe shumë popullor. Nëse nuk keni sheqer kaf në shtëpi, mos u shqetësoni, mund të përdorni edhe sheqerin e bardhë (atë me kokërr, jo pluhur). Masën, pak a shumë, mund ta vendosni vetë, pasi ai mund të ruhet dhe të zgjasë.
Përbërësit:
- ½ filxhan mjaltë
- ½ filxhan sheqer kaf (ose të bardhë)
- 1 lugë e vogël vaj ulliri ose vaj kokosi
- 1 pikë vaji esencial (mund të përdorni të preferuarin tuaj, si livando, jaseminë , barbozë etj, këto përdoren për aromë të mirë)
Përziejini të gjithë përbërësit në një tas.
Aplikojeni përzierjen në fytyrë duke e masazhuar në mënyrë rrethore për t’u siguruar që po hiqni qelizat e vdekura nga fytyra juaj. Shpëlajeni fytyrë me ujë të ngrohtë duke e shtypur lehtë me mollëzat e gishtërinjve lëkurën.
Përdoreni këtë pastrues një ose dy herë në javë për ta mbajtur lëkurën tuaj në formë të mirë.
Burimi: beauty.com
