Organizata Botërore e Shëndetësisë njoftoi të premten se një person nga Sierra Leone ka rezultuar pozitiv me sëmundjen e Ebolas. Ky lajm është bërë i ditur vetëm një ditë pasi organizata e shpalli të pastër Afrikën e Jugut nga Ebola.
Pacienti vdiq para tre ditësh afër kufirit të Guinesë, raporton agjencia e lajmeve AFP. Nga ekzaminimi që ju bë viktimës rezultoi se shkak i vdekjes ka qenë virusi Ebola.
Organizata Botërore e Shëndetësisë njoftoi dje se Afrika e Jugut është e pastër nga Ebola, pasi kanë kaluar 42 ditë që nga konfirmimi i fundit i një pacienti që rezultoi se nuk ishte i prekur nga virusi Ebola.
Virusi Ebola përhapet nga kontakti me lëngjet trupore (gjak, djersë, përshtymë) me njerëzit e infektuar. Ai ka vrarë më shumë se 11 mijë persona që nga viti 2013, dhe ka infektuar më shumë se 28 mijë persona të tjerë. Pjesa më e madhe e vdekjeve nga Ebola kanë ndodhur në Liberi (4,809), Sierra Leone (3,955) dhe Guine (2,536). / Përgatiti për “Shëndet+”: Blertina Koka
