Blerina Bombaj, dietologe
Disa ushqime mund të ndihmojnë në qetësimin e dhimbjes së kokës. Të tilla janë:
- farat e linit (në sajë të vetive anti-inflamatore)
- peshku i pasur në omega 3 (salmoni dhe sardelet)
- kafja (nëse e ekzagjeroni mund të veprojë për të kundërtën)
- speci i kuq djegës (kapsikaina njihet për efekt qetësues kundër çdo dhembjeje)
- fara kungulli (në sajë të magnezit)
- spinaqi (në sajë të vitaminës B2, e cila ndihmon fuqishëm në luftën kundër migrenës)
Kujdes: Mos neglizhoni të pini ujë mjaftueshëm
Salcë me spinaq
Një recetë fare e thjeshtë, e cila mund të shkojë shumë mirë me pastat, mishin dhe sallatat, mënyra më e mirë për të rritur konsumin e këtyre ushqimeve:
- 1 1/4 kupa spinaq
• 3 lugë të vogla borzilok të freskët
• 2 lugë të vogla fara kungulli, fara lini
• 2 1/2 lugë të mëdha vaj ulliri
• 3 lugë të vogla majdanoz
• 1 lugë të madhe lëng limoni
• kripë, piper, pak spec djegës te kuq
Bluajini të gjitha bashkë dhe është gati! Nëse doni mund ta ndani në kubikë dhe ta ngrini! / https://shendeti.com.al/
