Kryefaqja Lajme te tjera Njerëz, koronavirusi nuk është barcoletë!

Njerëz, koronavirusi nuk është barcoletë!

0
Shpërndaje

Nga Mentor Kikia 

Miq, koronavirusi nuk është murtaja e zezë e mesjetës dhe as lëndë kimike që të vret në pak sekonda.

Por, gjithsesi, është një virus i rrezikshëm që, me apo argument bindës, ka vënë botën përpara dhe nuk dihet se me çfarë kostoje njerëzore dhe ekonomike do të ikë.

Ne dallohemi për të bërë gallatë me çdo gjë, pasi jemi mësuar të argëtohemi edhe me bëmat e atyre që na zhvasin rregullisht prej 30 vjetësh. Por nuk është ky rasti.

Për koronavirusin duhet të dëgjojmë këshillat e mjekëve. Të reduktojmë lëvizjet. Jo të mbyllim institucionet e të plasemi nëpër kafene, pasi një lokal kishte sot më shumë të rinj nga sa janë mbledhur ndonjëherë në një sallë leksionesh. Shkollat u ndaluan jo se është i rrezikshëm mësimi, por se është i rrezikshëm kontakti i shumë njerëzve bashkë.

Nëse do të shtohet ndjeshëm numri i të prekurve, situata del shumë lehtë jashtë kontrollit me mundësitë që ka sistemi ynë shëndetësor. Italia po përjeton sot një situatë dramatike për shkak të neglizhencës që bënë qytetarët e këtij vendi.

Nuk ka vend për panik, por ka arsye për tu treguar të përgjegjshëm.

LËR NJË MESAZH

Please enter your comment!
Please enter your name here