Një studim ku u përfshinë më shumë se 5 milion burra dhe gra suedeze tregon se njerëzit shtatlartë janë më të rrezikuar të preken nga kanceri. Gratë e gjata kanë rrezik 20 për qind më të madh të zhvillimit të kancerit të gjirit, sipas studimit. Për të dy, burrat dhe gratë, rreziku i zhvillimit të melanomës rritet me rreth 30 për qind për çdo 10 cm gjatësi.
“Ky studim vërteton atë që studime të tjera kanë treguar”, tha Susan Gapstur e Shoqërisë “American Cancer” . Ajo shtoi se hulumtimi i mëparshëm ka gjetur gjithashtu një lidhje midis gjatësisëë dhe kancerit të zorrës së trashë.
Por Dr. Gapstur, i cili është nënkryetar i epidemiologjisë në këtë shoqëri, thotë se gjatësia mund të jetë një shenjë e rrezikut për t’u prekur nga kanceri.
Për këtë studim, hulumtuesit kanë shqyrtuar mbi 5.5 milion njerëz të lindur në Suedi midis viteve 1938 dhe 1991. Shëndeti i tyre është gjurmuar që në vitin 1958, ose prej kur ishin 20 vjeç (për ata që kanë lindur në vitet e mëvonshme), deri në fund të vitit 2011.
Ky është studimi më i madh i kryer në lidhjen midis gjatësisë dhe kancerit, duke përfshirë gratë dhe burrat.”
Këto gjetje nuk tregojnë se të gjithë njerëzit e gjatë janë të prirur të preken nga kanceri, pasi shkaku i shfaqjes së kancerit është multifaktorial.
Studimet tregojnë se individët shtatlartë kanë më shumë gjasa për t’u prekur kanceri, por është e paqartë deri tani nëse këta individë kanë rrezik më të lartë për të vdekur . Përgatiti për “Shëndet+”: Elena Beta
