Drejtoria e Qendrës Spitalore Universitare “Nënë Tereza” ka shpallur konkursin për 2 vende të lira pune në pozicionin “Mjek” (një Mjek Internist dhe një Mjek Kardiolog ) pranë Shërbimit të Mjekësisë Interne, Poli i Administrimit të Integruar të Spitalit Polivalent, si dhe 1 vend të lirë pune në pozicionin “Mjek Gjenetist” pranë Laboratorit të Gjenetikës në Shërbimin e Laboratorit Imunologjik dhe Gjenetikës , Poli i Administrimit të të Integruar të Spitalit Polivalent.
Të gjithë aplikantët e interesuar kanë afat deri më datë 6.11.2017 për të dorëzuar dokumentet pranë Drejtorisë së Burimeve Njerëzore në Qendrën Spitalore Universitare “Nënë Tereza”, bëhet e ditur në faqen zyrtare të QSUT-së.
Që të bëhen pjesë e konkurrimit, kandidatët duhet të plotësojnë disa kritere, ku më e rëndësishmja është të kenë përfunduar studimet e larta universitare në një fakultet me program të akredituar nga Ministria e Arsimit dhe Sportit me notë mesatare mbi ”7” për ata që konkurrojnë për pozicionet mjek internist dhe mjek kardiolog, dhe mbi ”9” për mjek gjenetist.
Konkurrimi për një vend pune është i lirë, me përjashtim të kandidatëve që vijnë nga rrethet, të cilët duhet të kenë marrë miratim nga Drejtoria e Shëndetit Publik të Rrethit nga vjen kandidati si dhe miratimin e Ministrisë së Shëndetësisë për lëvizje të mundshme.
Për informacione të mëtejshme mund të klikoni tek faqja zyrtare e QSUT-së.
Mjek Internist dhe Mjek Kardiolog pranë Shërbimit të Mjekësisë Interne
Mjek Gjenetist pranë Laboratorit të Gjenetikës në Shërbimin e Laboratorit Imunologjik dhe Gjenetikës
