Gjatë 24 orëve të fundit janë regjistruar 5,695 raste të reja me Covid-19, duke e çuar në 104,000 numrin e përgjithshëm të të infektuarve.
Numri i viktimave në Nju Jork ka shkuar në 6,182.
Shteti i Nju Jorkut është më i prekuri në SHBA nga koronavirusi.
Gjatë një fjalimi ditën e djeshme më 12 prill, guvernatori Andrew Cuomo tha se do të lehtësonin masat kufizuese sa më shpejt që të ishte e mundur por se ishte e vështirë të parashikoje se kur do të përfundonte kjo situatë.
Deri më tani në SHBA janë shënuar 20,457 viktima nga Covid-19 dhe janë infektuar 526,391 persona.
