Një studente në Tajvan e cila mbajti lentet të vëna për gjashtë muaj mbeti e verbër pasi një virus hyri në bebëzat e syrit.
Ameba njëqelizore shkatërroi shikimin e studentes e cila nuk i hoqi një herë për t’i pastruar lentet përgjatë gjithë kësaj periudhe kohe.
Sipas mjekëve, ky rast tepër i rëndë është një shembull i një të reje nën presion që nuk gjeti kohën të kujdesej as për higjienën bazë të lenteve.
Përveçse duhet të pastrohen rregullisht, lentet duhet gjithashtu të hiqen kur noton ose kur lahesh. Këshilla e zakonshme është që të shmanget mbajtja e lenteve më shumë se tetë orë në ditë.
E megjithatë duket se studentja 23-vjeçare i ka mbajtur lentet gjithë kohës, madje edhe në pishina.
Mjekët janë tmerruar kur kanë hequr lentet dhe kanë zbuluar se sipërfaqja e syrit të vajzas ishte ngrënë nga ameba e cila kishte pasur kushtet perfekte për t’u rritur.
“Vajza duhet t’i kishte hedhur lentet pas një muaji përdorimi, por në vend të kësaj ajo i ka mbipërdorur duke dëmtuar përgjithmonë shikimin”, u shpreh mjeku. Ky rast u bë publik si një mënyrë paralajmërimi për të gjithë personat që mbajnë lente dhe rrezikun që ato paraqesin sidomos gjatë verës. Problemet e lenteve mund të ndodhë të shfaqen disa muaj apo edhe vite më pas, sidomos tek përdoruesit e rregullt./ Marrë nga Daily Mail
