Një nuse nga Tenesi, SHBA, provoi se ishte në detyrë 24 orë në ditë kur la dasmën për të kryer detyrën e vet si mjeke e ndihmës së shpejtë, duke reaguar menjëherë për një aksident me makinë që përshiu të afërmit e vet.
“Ka njerëz që po përdorin fjalën “heroinë”, u shpreh Sarah Ray për mediat vendase. “Nuk mendoj se bëra diçka heroike. Është thjesht diçka që do ta bënte secili nga kolegët e mi. Ne ndalojmë në raste aksidentesh edhe kur jemi me rroba të thjeshta. Kësaj radhe qëlloi që isha me fustan nuseje”.
Ray, 29 vjeçe, thotë se vetëm një orë pasi kishin bërë betimet me bashkëshortin në kishë, mori një telefonatë se babai dhe gjyshërit ishin përfshirë në një aksident disa kilometra larg.
“Ishim ende në kishë”, thotë ajo. “Pauli (im shoq) dhe unë jemi të dy mjekë të ndihmës së shpejtë dhe të tillë ishin edhe shumë prej shoqëruesve tanë”.
Ray, e cila është mjeke e ndihmës së shpejtë prej pesë vjetësh, tha se ajo dhe dhëndri thjesht hipën në makinë dhe u nisën për në vendin e aksidentit pa u menduar gjatë. Të afërmit e saj qëndruan në spital për kohë të shkurtër me dëmtime në ballë dhe gjoks, të shkaktuara nga jastëku i ajrit dhe rripi i sigurimit. / Arlinda Gjypi – Shëndet+
