Obeziteti shkakton më shumë raste të katër llojeve të kancerit se duhanpirja. Sipas një studimi nga Instituti Kërkimor mbi Kancerin në Britani, predispozitat janë më të larta që kanceri i zorrës, veshkave, vezores dhe mëlçisë të shkaktohen nga obeziteti se pirja e duhanit.
Miliona njerëz janë të rrezikuar nga kanceri për shkak të peshës së tyre, ndërkohë që numri i njerëzve obezë tejkalon atë të duhanpirësve në raportin 2 me 1.
Te qenët mbipeshë ose obez nuk do të thotë që me siguri ky person do preket nga kanceri, megjithatë obeziteti rrit rrezikun. Rreziku rritet me shtimin në peshë të një personi dhe për sa vite ai/ajo ka enë mbipeshë.
Sipas Institutit Kërkimor mbi Kancerin në Britani, 13 lloje të ndryshme kanceri lidhen me oobezitetin:
- kanceri i gjirit (tek gratë pas fazës së menopauzës)
- kanceri i zorrës
- kanceri i pankreasit
- kanceri i fytit
- kanceri i mëlçisë
- kanceri i veshkës
- kanceri i stomakut
- Kanceri i mitrës
- Kanceri ovarian
- Kanceri i tiroides
- Kanceri i gjakut (mieloma multiple)
- Meningioma (tumor në kokë)
- Kancer në fshikëzën e tëmthit
Burimi: BBC / JoTabu.al
