Progresi drejt përfundimit të pandemisë COVID-19 dhe përgatitjes për shpërthime të ardhshme është i ngadaltë dhe i pabarabartë, paralajmëron një raport i ri.
Raporti, i quajtur “Duke humbur kohë”, vjen nga ish-kryeministrja e Zelandës së Re, Helen Clark, dhe ish-presidentja e Liberisë, Ellen Johnson Sirleaf, të cilët u emëruan nga Organizata Botërore e Shëndetësisë për të kryesuar një panel të pavarur për gatishmëri ndaj pandemisë.
Në raport ata sugjerojnë se përparimi kundrejt virusit është frenuar nga mungesa e unitetit – 1.65 milion njerëz të tjerë kanë vdekur, pjesë të mëdha të botës kanë pak ose aspak akses në vaksina, ndërsa vendet e pasura po japin përforcues.
Është veçanërisht kritike për industrinë farmaceutike, që duke sugjeruar se bota është peng i kompanive, interes kryesor kanë fitimin, shkruan BBC. Raporti thotë se dështimi për të punuar së bashku po e zgjat pandeminë dhe po na lë të papërgatitur për të ardhmen.
Paralajmërimi vjen përpara një takimi të vendeve anëtare të OBSH-së në Gjenevë, për të diskutuar një traktat global të pandemisë.
