Varianti Omicron, i koronavirusit, i cili është shfaqur në më shumë se 60 vende, përbën një rrezik shumë të lartë global, ka thënë Organizata Botërore e Shëndetësisë.
Ka dyshime të rëndësishme për Omicron, i cili u identifikua për herë të parë në Afrikën e Jugut dhe Hong Kong muajin e kaluar, mutacionet e të cilit mund të çojnë në transmetueshmëri më të lartë dhe më shumë raste të koronavirusit , sipas një dokumenti të OBSH-së të publikuar së fundmi.
“Rreziku i përgjithshëm i lidhur me variantin e ri Omicron mbetet shumë i lartë për një sërë arsyesh,” tha OBSH.
“Të dhënat paraprake sugjerojnë mundësinë e arratisjes së imunitetit humoral ndaj infeksionit dhe shkallëve të larta të transmetimit, të cilat mund të çojnë në rritje të mëtejshme me pasoja serioze,” tha OBSH, duke iu referuar potencialit që virusi të shmangë antitrupat imune.
OBSH citon disa prova paraprake se numri i njerëzve të ri-infektuar me virusin është rritur në Afrikën e Jugut. Megjithëse gjetjet paraprake nga Afrika e Jugut sugjerojnë se Omicron mund të jetë një variant më pak i rëndë se Delta, që aktualisht dominon botën dhe të gjitha rastet e raportuara në Evropë janë të lehta ose asimptomatike. mbetet e paqartë se në çfarë mase Omicron mund të jetë në thelb më pak ngjitës, shtoi ai.
