Në kuadër të javës së tretë për sigurinë rrugore dhe mbrojtjen e fëmijëve nga aksidentet rrugore u zhvillua një takim mes 
ekspertësh, organizuar nga Organizata Botërore e Shëndetësisë me mbështetjen e Ministrisë së Arsimit e Sportit dhe Ministrisë së Punëve të Brendshme.
Përfaqësuesja e OBSH-së, Ledia Lazëri, tha se institucionet kanë bërë një punë të mirë në rritjen e sigurisë rrugore. Në këtë takim u theksuan strategjitë kyçe për sigurinë, duke theksuar 10 pika që duhet t’i kishin parasysh si qytetarët, ashtu edhe institucionet. Një vëmendje e madhe iu kushtua sigurisë së fëmijëve në rrugë.
Strategji kyçe:
- Kontrolloni sigurinë
- Reduktoni drejtimin e makinës në gjendje të pirë
- Përdorni kokore për biçikleta dhe motorçikleta
- Vendosni fëmijët në sedilje të sigurata
- Përmirësoni aftësitë e fëmijëve që të shohin dhe të angazhohen
- Rrisni infrastrukturën rrugore
- Përshtasni dizenjimin e makinave
- Implementoni licencimin e shoferëve
- Ofroni trajtimin e duhur për fëmijët e aksidentuar në rrugë
- Survejoni rrugë-kalimin e fëmijëve
