Denisa Canameti, gazeta “Shëndet+”
“Punët e mira bëhen në heshtje”. Duket se ky është parimi i ndjekur nga Ogerta Manastirliu, e kurorëzuar dje nga kreu i vendit Edi Rama, me çmimin “Administratorja e vitit” në eventin “Bleta e Artë 2015″.
Ogerta Manastriliu, përfaqëson Qendrën Spitalore Universitare Nënë Tereza, në pozicionin e drejtueses së këtij insitucioni. Edhe pse ajo e mban këtë post prej dy vitesh, për shumë njerëz emri i saj nuk është i dëgjuar.
Në shumë skandale që kanë shoqëruar këtë insititucion, drejtoresha në asnjë rast nuk ka dalë që të prononcohet për media, të japë shpjegime, si dhe ka refuzuar në të shumtën e rasteve kërkesat e gazetarëve për intervistë.
Megjithatë pas natës së mbrëmshme, pas çmimit të marrë, mund ta kuptojmë qëndrimin e saj. Duhet të besojmë se Manastirliu ka patur në fokus, administrimin e këtij institucioni dhe jo fjalët.
