Andressa Urach
Modelja e famshme iu nënshtrua një operacioni plastik për të fryrë kofshët dhe vithet. Por pas operacionit muskujt e saj filluan të kalbeshin dhe gati i kushtuan jetën, pasi hidroxheli iu absorbua në trup dhe filloi t’i shkaktonte dëme.
Donatella Versace
Versaçes i ka kushtuar shumë operacioni plastik i buzëve. Nuk flasim këtu për shifrat monetare, por për disproporcionin e buzëve të reja me fytyrën e saj. Përveç kësaj, Versaçes i është dëmtuar shumë lëkura për shkak të trajtimeve të shumta lazer.
Alessandra Ambrosio
Ëngjëlli i “Victoria Secret” ka bërë operacion plastik veshët. Ajo gjeti një mjek në qytetin e saj brazilian, i cili kishte bërë vetëm një operacion përpara saj. Megjithëse kirurgë të tjerë i kanë ofruar që t’i rirregullojnë veshët, ajo shprehet se s’do bëjë kurrë më një operacion plastik.
Tara Reid
E njohur për rolin e saj në filmin “American Pie”, Tara Reid ka bërë implant të gjirit dhe liposuction në vitin 2004. Ajo shprehet se prej asaj kohe i është shkatërruar trupi dhe i duhej t’i nënshtrohej një tjetër operacioni plastik për të rregulluar kirurgjinë e mëparshme.
La Toya Jackson
La Toya dhe Michael Jackson kishin dashuri për të njëjtin kirurg plastik. Ajo iu nënshtrua kirurgjisë plastike në mjekër dhe hundë. Me kalimin e kohës fytyra filloi t’i prishej dhe dukej si mos më keq!
Tori Spelling
Tori ka qenë vazhdimisht në qendër të vëmendjes së mediave dhe për fat të keq në kontekstin negativ. Torit i shkoi keq operacioni i gjoksit, pasi të dy gjinjtë nuk ishin më në proporcion të njëjtë.
Farrah Abraham
Farrah ka bërë operacion plastik gjoksin dhe buzët. Procedura plastike për buzët i shkaktoi reaksion alergjik dhe i bëri një dëm të konsiderueshëm në fytyrë. Operacioni i hundës dhe mjekrës i ka shkuar keq gjithashtu.
Renee Zellweger
Renee ka bërë botoks për të hequr shtresën e lëkurës nga kapaku i sipërm i syrit. Pamja e saj ka ndryshuar në mënyrë drastike, por jo për mirë.
Mickey Rourke
Mickey ka bërë një sërë operacionesh plastike për rindërtimin e fytyrës, hundës, faqes dhe transplantin e flokëve. Por, asgjë si ka shkuar siç duhet.
Janice Dickinson
Janice ka bërë një sërë operacionesh për të hequr një pjesë të stomakut, injeksione kolagjeni në fytyrë etj.
Amanda Lepore
Transformimi i saj përfshin shumë operacione plastike duke filluar nga gjoksi, vithet, botoks fytyre, hundë, madje ka hequr dhe brinjë për t’iu dukur beli më i hollë. Për shkak të operacioneve të shumta plastike, ajo vuajti nga një sërë sëmundjesh.
Jocelyn Wildenstein
Ajo është emëruar si “gruaja mace” sepse iu nënshtrua operacioneve plastike që të dukej si e tillë. Që nga vitet ’70 – 2010 ajo ka vendosur t’i nënshtrohet një sërë operacionesh të tjera plastike për të zbutur pamjen e saj.
Dolly Parton
Operacionet e saj janë të shumta duke përfshirë: heqjen e dhjamit, zvogëlimin e ballit, hundën, botoks në fytyrë etj. Dolly është një tjetër nga të famshmet fatkeqe në kirurgjinë plastike. Ajo është e njohur si Mbretëresha e Kirurgjive Plastike.
Carrot Top
Komediani muskuloz ka bërë një sërë operacionesh plastike për të përmirësuar fytyrën e tij, por s’është përmirësuar aspak. Sipas njerëzve, ai tashmë duket si kloun.
Pamela Anderson
Pamela është një tjetër e famshme që i është nënshtruar një numri të madh operacionesh plastike: në hundë, mollëza, gjoks etj. Gjoksi i ka marrë një pamje më të gjerë dhe është dukshëm në disporporcion me trupin e saj.
Përshtati në shqip për “Shëndet+”: Daniela Bardhi
