Orari i vizitave pranë shërbimeve të Qendrës Spitalore ‘Nënë Tereza” është unifikuar.
Mbrojtja e pacientit, si tek ata me imunitet të ulur për shkak të sëmundjeve të rënda, nga mikrobet dhe viruset që mund të transportohen nga vizitat e familjarëve, është pjesë e misionit kryesor së QSUT .
Veçanërisht në shërbimet e Onkohematologjisë dhe Onkologjisë (ku trajtohen sëmundje si leuçemitë, llojet e ndryshme të kancerit, nëpërmjet kemioterapisë dhe rrezatimit).
Gjatë vizitave në spitale, familjarët (pa dashur) bëhen transportues të mikroorganizmave të bartur nga të afërmit e sëmurë që trajtohen në shërbimet e QSUT, dhe për pasojë ndikojnë në përhapjen e infeksioneve të ndryshme tek të afërmit e tjerë që jetojnë në komunitet.
Në mirëfunksionimit e shërbimit pranë qendrës terciare më të madhe në vend, u vendos unifikimi i orarit.
- Ulja e shpenzimeve të trajtimit spitalor nëpërmjet parandalimit të infeksioneve nozokomiale për të sëmurët e operuar në shërbimet kirurgjikale të QSUT);
- Repektimi i qetësisë së të sëmurëve aq të domosdoshme për përmirësimin e shpejtë të gjendjes së tyre shëndetësore; kjo arrihet duke shmangur bisedat e panevojshme dhe vizitat e shpeshta;
- Ruajtja me rreptësi e parametrave të higjienës dhe asepsisë për parandalimin e infeksioneve në mjediset spitalore;
- Parandalimi ose ulja e numrit të qytetarëve që mund të preken nga përhapja e infeksioneve të mundëshme virale.
- Ulja e numrit të qytetarëve që vizitojnë të afërmit në spitale, do të thotë parandalim i përhapjes dhe prekjes nga sëmundje infektive si: Gripi i Derrit, Hepatiti, Dizanteria, malarja etj…
Orari i vizitave gjatë javës do të jetë :
E hënë – E premte ora 17:00 – 19:00
E shtunë – E diel ora 10:00 – 12:00, ora 17:00 – 19:00
