Për gazetën “Shëndet+”, mjeku androlog Evin Dani
Ejakulacioni i vonuar mund të jetë pasojë e sëmundjeve kronike, kirurgjive dhe mjekimit që merrni. Ose mund të shkaktohet nga abuzimi me substancat ose nga shqetësimet e shëndetit mendor, si depresioni, antkhi apo stresi. Në shumë raste, ejakulacioni i vonuar vjen si pasojë e kombinimit të shqetësimeve psikologjike dhe fizike.
Shkaqet fizike të ejakulacionit të vonuar përfshijnë:
- Disa defekte të caktuara të lindjes që prekin sistemin riprodhues të mashkullit
- Dëmtimet e nervave pelvikë që kontrollojnë orgazmën
- Infeksione të caktuara, si infeksionet e traktit urinar
- Kirurgjia e prostatës, si: TURP-i (sonda) apo heqja e prostatës
- Sëmundjet neurologjike, si: diabeti, dëmtimi i nervave të shtyllës kurrizore apo goditjet në tru
- Problemet hormonale, si: hipotiroidizmi (nivel i ulët i hormonit të tiroides) dhe hipogonadizmi (nivel i ulët i testosteronit)
- Ejakulacioni i prapëm, një gjendje në të cilën sperma shkon mbrapsht në fshikëz dhe nuk del nga penisi.
Shkaqet psikologjike të ejakulacionit të vonuar përfshijnë:
- Depresionin, ankthin apo gjendje të tjera mendore
- Probleme me lidhjen për shkak të stresit, komunikimit të dobët në çift apo shqetësimeve të tjera
- Antkh për performancën
- Vlerësim i dobët për trupin e vet
- Tabutë fetare apo kulturore
- Diferencat mes seksit real me partneren dhe fantazive seksuale.
