“Ambasadori amerikan më mahniti me shqipen e tij teksa foli lidhur me studimin e kryer për qendrat shëndetësore në 
Shqipëri”, u shpreh Eglantina Bardhi, drejtoreshë e gazetës “Shëndet+”, e ftuar në emisionin “Pasdite në Top-Channel”. Bardhi ishte thirrur për të folur lidhur me raportin më të fundit të mbështetur nga USAID.
“Në këtë raport thuhet qartësisht se në gati 50% të klinikave nuk janë pajisjet e duhura, në thuajse 50% të tyre nuk ishin ilaçet e sakta, ka probleme me dritat dhe ujin”, tha Bardhi. ” Edhe në vëzhgimin e mëparshëm, i mbështetur nga USAID, rezultoi se në rreth 90% të qendrave shëndetësore nuk funksionojnë laboratorët, duke bërë që gjithë njerëzit të dynden në pak qendra për të marrë shërbimin që u duhet”.
