Largimi nga spitali pa lejen e mjekut, i ka kushtuar jetën një 67-vjeçari. Pacienti Skënder M, ishte i shtruar në repartin e 
Kardiologjisë në QSUT, por largimi i tij ka shtrati i spitalit ka rezultuar fatal për të.
67-vjeçari shkoi të blinte diçka në supermarket, por për shkak të gjendjes së tij shëndetësore pësoi atak kardiak. Menjëherë në vendngjarje kanë mbërritur uniformat blu dhe kanë nisur hetimet dhe verifikimet për këtë rast.
Lidhur me këtë çështje gazeta “Shëndet+” u mundua të lidhej me QSUT-në për të kërkuar sqarime për rastin. E vetmja përgjigje e marrë është: “Nuk merremi me spekulime!”/ Denisa Canameti
