Një mjek dhe një infermier në spitalin e Korçës janë pezulluar pasi janë filmuar se kanë lënë në mes të rrugës një pacient, madje duke e tërhequr zvarrë atë, pa i dhënë ndihmën e duhur.
Zëdhënësi i Ministrisë së Shëndetësisë deklaroi sot se “me marrjen e njoftimit mbi rastin e ditës së djeshme (29/4/2015) të raportuar sot (30/4/2015) nga disa media për sjelljen e një ekipi mjekësor të shërbimit të urgjencës mjekësore dhe shërbimin e munguar të kujdesit shëndetësor ndaj një qytetari në Korçë, Drejtoria e Spitalit Rajonal Korçë ka marrë menjëherë masën e pezullimit nga detyra për mjekun Ç. F., dhe infermierin A. Ç.”
https://www.youtube.com/watch?v=wa88ktwwlHg
