Fëmijët nuk duhen qortuar kurrë nëse flenë shumë. Sipas një studimi të kryer nga Universiteti i Pensilvanisë dhe i publikuar në revistën Science (Shkencë), orët e gjata të gjumit kur je i ri janë thelbësore për zhvillimin e duhur të trurit dhe kanë ndikim të madh në aftësinë për t’u riprodhuar në të ardhmen. Studimi deri tani ka përfshirë vetëm mushkonjat e frutave, por sipas grupit të studimit nuk ka dyshime: problemet e gjumit kur je i ri ndikojnë në dy aspekte thelbësore të jetës së rritur: “ngacmimin” dhe “çiftëzimin”.
Mushkonjat e reja flenë më shumë se ato të rriturat, një sjellje që përsëritet në gjithë botën e kafshëve, shpjegojnë studiuesit. Njerëzit e vegjël, minjtë e mushkonjat flenë të gjithë shumë. Por çfarë ndodh kur të vegjlit nuk flenë mirë? Studiuesit kanë zbuluar se kjo sjell probleme kur rritesh pasi nuk di të “ngacmosh” partnerin dhe si rrjedhojë nuk arrin të bashkohesh me një të tillë. Tashmë e gjithë çështja është të kuptohet se si këto rezultate mund të shtrihen edhe tek njerëzit.
