Denisa Canameti / ‘Shëndet+’
Duket se kaosi që shkakton mosrespektimi i rregullit “Një i afërm për çdo pacient” nuk është vetëm për faj të pacientëve. Nga fotot e mbërritura në redaksinë e “Shëndet +” denoncohet fakti që për transferimin e një pacienti nga barela në krevat duhet ndihma e familjarëve, sanitarëve, infermierëve si dhe rojës së spitalit. Stafi i trajnuar për ta bërë këtë punë nuk duket askund.
Fotot gjithashtu vijnë të shoqëruar me një koment i cili thotë:
“Përpos shumë problemeve që ka shëndetësia, transferimi i pacientit mund të jetë më i parëndësishëm. Por, në të vërtetë, edhe transferimi i pacientit me ambulancë apo nga barela në krevat, si ky rast, ka rëndësi jo vetëm për sigurinë e pacientit, që mund të dëmtohet ose bie në tokë gjatë këtij transferim,i por rriskon nga dëmtimet personelin shëndetësor.
Mjeku dhe infermierja vendosin në risk shëndetin e tyre dhe këtë e bëjnë sepse nuk kane alternative tjetër. Drejtoria e spitalit QSUT, si spitali më me fluks në vend, nuk e shikon të përshtatshëm ekipin që duhet të jetë i trajnuar për transferimin e pacientit.
Sikur kjo është problematika më e madhe. Shëndetësia ka mungesa nga A në ZH. Dhe Beqaj mendon për koncesionin e radhës, jo për kujdesin cilësor ndaj pacientit, duke bërë reformë reale dhe jo pseudoreformë koncesionale në shëndetësi” mbyllet komenti./ https://shendeti.com.al/
