Të sëmurët mendorë në Shqipëri ende trajtohen në kushte skandaloze dhe vazhdojnë të përbuzen nga shoqëria. Të shumta janë rastet e bëra publike, ku këta të sëmurë mbahen të lidhur me zinxhirë, duke i konsideruar si një rrezik për shoqërinë.
Emisioni “Stop” ka transmetuar pamje shokuese me atë se çfarë ndodh me të sëmurët mendor në të ashtuquajturën “Qendra e Zhvillimit” në Shkodër.
Njerëz të lidhur me zinxhirë që rrinë në dhoma bosh. Të sëmurë mendorë, të lënë në mëshirë të fatit, për të cilët nuk kujdeset askush. Pamjet flasin për një situatë dramatike të trajtimit të pacientëve që ndodhen aty. “Për çudi”, pranë tyre nuk ka asnjë punonjës apo infermier.
