Pamje të rënda vijnë nga spitali infektiv në Tiranë, ku po trajtohen pacientë të infektuar me Covid-19
Ka qenë ministrja e Shëndetësisë që ka shpërndarë një video nga brenda spitalit, ku shihen dhe dëgjohen pacientë të infektuar nga virusi Covid-19 teksa rënkojnë për shkak të simptomave që jep ky virus.
Shumë pacientë janë të intubuar dhe u nevojitet me patjetër oksigjeni për t’i mbajtur në jetë.
Kujtojmë se ditën e djeshme 4 qytetarë në terapi intensive, të intubuar kanë humbur jetën te Infektivi.
Nje 43 vjeçar nga Kamza, pa semundje të tjera, i intubuar dhe në gjendje të rëndë prej disa ditësh nuk ka mundur të mbijetojë megjithe perpjekjet e mëdha të stafit mjekësor. E kanë humbur betejën me virusin e rrezikshëm edhe një 60 vjeçar nga Shkodra, një 64 vjeçar nga Durrësi në Spitalin Infektiv dhe një 61 vjeçar nga Tirana në Spitalin ‘Shefqet Ndroqi’, me sëmundje bashkëshoqëruese.
Vijon të ketë shtrime të reja në të dy spitalet dhe situata paraqitet serioze. Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 110 pacientë, 14 në terapi intensive dhe 1 i intubuar.
Gjatë 24 orëve të fundit janë kryer 501 testime për të dyshuar të prekur me COVID19, nga të cilat janë konfirmuar 102 raste pozitive.
Shpërndarja gjeografike e rasteve është si vijon: 67 raste në Tiranë, 5 në Shkodër, nga 4 raste në Krujë, nga 2 raste në Berat, Kavajë, Peqin, nga 1 rast në Durrës, Has, Korçë, Lezhë, Lushnjë, Vlorë, Sarandë.
Në 24 orët e fundit janë shëruar 50 qytetarë, duke e çuar në 2264 numrin e të shëruarve nga fillimi i epidemisë.
https://www.facebook.com/168952600227465/posts/1000277443761639/?vh=e
