Paracetamoli është një ndër ilaçet që përdoret më shumë nga konsumatorët. Shërben si qetësues, por lidhur me gripin studimi më i ri tregon se paracetamoli nuk ka asnjë dobi.
Në kundërshtim me këshillat zyrtare të Shërbimit Shëndetësor Kombëtar në Britaninë e Madhe, medikamenti popullor nuk zvogëlon as ethet dhe as simptoma të tjera, si dhimbje të kokës apo dhe dhimbje të tjera.
Studiuesit nuk gjetën asnjë ndryshim të rëndësishëm në temperaturën e trupit në mes të personave që ishin me temperaturë 40 dhe që iu dha paracetamol për pesë ditë dhe të tjerëve me temperaturë 40 që u ishin dhënë pilula imitacion (efekti placebo).
Dr. Tim Ballard, zëvendëskryetar i Kolegjit Mbretëror, u shpreh: “Ky është vetëm një studim, mund të jenë shumë të tjerë që sugjerojnë se paracetamoli është një medikament shumë efektiv në lehtësimin e dhimbjes dhe kontrollin e etheve të pacientëve tanë. Megjithatë, kjo është diçka që duhet parë me interes dhe do të jetë veçanërisht interesante për të parë një studim të ngjashëm duke kërkuar trajtimin tek fëmijët, ku efekti placebo është më i vështirë.”
Kërkuesit pranuan se studimi i tyre mund të ketë diçka që ia ul saktësinë. Për shkak të protokolleve të sigurisë, të gjithë vullnetarëve iu dha ilaçi kundër gripit “Tamiflu”, i cili mund të ketë ulur aftësinë e tyre për të dalluar diferencën mes dy grupeve.
Përgatiti për “Shëndet+”: Donjeta Zeka/ Marrë nga DailyMail
