Përshtati në shqip: Blertina Koka
Bishtajoret mund të ulin rrezikun e zhvillimit të diabetit të tipit 2, tregon një studim i ri. Shkencëtarët thonë se duke ngrënë thjerrëza, fasule dhe bizele mund të ulet rreziku i zhvillimit të diabetit të tipit 2 me 35%.
Edhe pse është folur edhe më parë se këto produkte mund të ofrojnë mbrojtje kundër diabetit të tipit 2, ky është studimi i parë që konfirmon këtë lidhje.
Hulumtuesit shkencorë nga ‘Universitat Rovrira Virgli’s Human Nutrition Unit’ në Spanjë, analizuan të dhënat përfundimtare të studimit PREDIMED (Parandalimi Paraprak i Sëmundjeve Kardiovaskulare me Ditën Mesdhetare).
Ata u fokusuan tek bishtajoret si fasulet, bizelet dhe disa lloje farash, dhe bënë një testim duke zëvendësuar ushqimet e pasura me proteina dhe karbohidrate me bishtajore, për të parë efektin e tyre në zhvillimin e sëmundjes.
Ekipi analizoi mbi 3300 pjesëmarrës me rrezik të lartë të zhvillimit të sëmundjeve kardiovaskulare, por pa diabet në fillim të studimit PREDIMED.
Pas një monitorimi 4-vjeçar, rezultatet zbuluan se, krahasuar me individët me konsum të ulët të bishtajoreve, ata me konsum të lartë ishin 35% më pak të rrezikuar nga diabeti i tipit 2.
Konsumi i ulët përfshin .15 racione në javë, ndërsa konsumi i lartë ishte 3.35 racione në javë.
Përveç kësaj, grupi i dytë kishte gjithashtu 33% më pak rrezik për zhvillimin e kësaj sëmundjeje.
Bishtajoret janë të pasura me vitamina B dhe minerale si kalcium, magnez dhe kalium. Ato cilësohen ndryshe si ushqim me indeks të ulët glicemik, që do të thotë se nivelet e glukozës në gjak rriten ngadalë vetëm pas konsumit.
Burimi: Daily Mail / https://shendeti.com.al/
