Festat e fundvitit na bënë të gjithëve që të shijojmë mishin, tortat, verërat, birrat, gjithçka që na deshi zemra e na mbajti xhepi. Por gjithashtu edhe kilet që vunë jo pak prej nesh janë të shumta, pasi jo thjesht kemi ngrënë shumë, por edhe aktiviteti fizik ka qenë i paktë.
Me fillimin e vitit 2015 dieta bëhet parësore për shumë njerëz. Këshilla e dietologëve është e përhershmja: për t’u rikthyer në formë nuk duhet të agjëroni dhe të lini vakte pa ngrënë, por duhet të përshtateni në një dietë me ushqime të lehta, të pasur në fruta dhe perime, si dhe të konsumoni shumë ujë.
“Sekreti për të ulur efektet e shëndosjes së fundvitit, është një dietë e ekuilibruar”, këshillon Enriko Arçeli, dietolog dhe mjek sportiv.
“Për mëngjes është mirë kosi i zakonshëm, një fetë proshutë krudo, një kivi dhe një kafe pa sheqer, – vijon Arçeli. – Në drekë dhe darkë një pjatë e bollshme me sallatë jeshile, një porcion peshk ose gjoks pule ose një molle a mandarina. Mund të pini gjatë ditës shumë ujë, edhe me gaz. Një ndihmë të madhe vjen edhe nga marrja e ushqimeve me omega-3”.
Përveç një ushqyerjeje të shëndetshme, edhe aktiviteti fizik duhet të praktikohet në mënyrë të vazhdueshme dhe duhet kthyer në stil jete: “Aktiviteti fizik vetëm për një herë nuk i largon gjithë kaloritë e marra. Ndaj është e rëndësishme të ndryshohet stili i jetesës, duke e kthyer lëvizjen në një zakon”./ ANSA
