Përshtati në shqip për “Shëndet+”: Daniela Bardhi
Nëse blini një çantë apo një palë këpucë të reja, bashkangjitur me to do të gjeni edhe një pako të vogël të mbushur me kokrriza silici. Thuajse të gjithë i hedhin këto pako sepse mendojnë se janë helmuese, por s’është aspak e vërtetë. Në fakt, këto pako janë të mbushura me një substancë të quajtur dioksid silikoni, substancë e cila nuk mund të hahet, por mund të jetë mjaft e dobishme për përdorime të tjera. Ja disa përdorime të tyre:
Vendosini midis peshqirëve: kjo mënyrë do të parandalojë marrjen e lagështisë dhe do të shmangë erën e keqe nga peshqirët.
Ruan fotot e vjetra: fotografitë kanë tendencën që të prishen dhe vjetërsohen me kalimin e kohës, pakot me dioksid silikoni janë një mënyrë mjaft e mirë për t’I ruajtur ato. Vendosni nga një pako të vogël brenda kutisë (albumit) fotografik dhe fotot do të qëndrojnë po njësoj.
Vendosini në çantën e palestrës: qëllimi kryesor i këtyre pakove të vogla është të përthithin lagështinë shtesë dhe për të mbrojtur produktet. Veshjet e palestrës përmbajnë shumë lagështi dhe për pasojë erë të keqe. Vendosni një pako të vogël brenda në çantën e palestrës dhe këto probleme nuk do të jenë më./ Burimi: steptohealth
