Çdo ditë fermerë dhe blegtorë dalin në tregjet e fruta-perimeve për të tregtuar djathë, gjizë e qumësht me shishe plastike mes pluhurit në trotuaret e Lushnjes.
Një fermer vjen çdo ditë në Lushnje në orën 6.00 të mëngjesit. Për 4 orë ai qendron në trotuar për të shitur qumështin. E pranon se këto nuk janë kushte higjienike por thotë se nuk ka zgjidhje tjetër për të jetuar.
“Nuk prishet ky se ia kam gjetur atë që e mjel dhe e bie të pastër. Duhet të jetë në banka, po këtu nuk ka as banak asgjë”, shprehet ai.
Në Lushnje janë tre vende të caktuara si tregje fruta-perimesh nga bashkia, por shfrytëzohen edhe nga shitësit e produkteve të bulmetit pa kushtet që duhen për ruajtjen e tyre. Nga ana tjetër, aksionet e policisë bashkiake nuk i kanë ndaluar të dalin sërish në trotuare. Ndërsa në Lushnjë mungon një mjedis i mirëfilltë për tregtimin e qumështit dhe nënprodukteve të tij.
Burimi: Top Channel
