Partia Demokratike ka denoncuar një tjetër rast të dhënies së parave publike kompanisë së themeluar nga Ministri i Shëndetësisë, Ilir Beqaj.
Grida Duma, sekretarja për marrëdhëniet me publikun, tha se Intech Plus, duke u fshehur pas kompanisë Fastech, ka marrë 320 milionë lekë nga Ministria e Jashtme. Intech Plus e themeluar nga ministri Ilir Beqaj është akuzuar nga PD se ka marrë mbi 11 miliardë lekë nga afro 30 tendera publikë, pas ardhjes së PS në pushtet.
“Në fillim të këtij viti kompania e themeluar nga Beqaj ka marrë 320 milionë lekë për një shërbim për Ministrinë e Jashtme. Fastech, është thjeshtë një mbulesë për paratë që merr kompania e Beqës. E kanë rregulluar që të futen si bashkim operatorësh, ose që t’i marrë Fastech, pastaj librat e shitjes tregojnë se punët i bën Intech, pra paratë në fund i merr Beqaj,” u shpreh znj. Duma gjatë një deklarate për shtyp.
Beqaj ka reaguar duke thënë i ka shitur aksionet, por pa komentuar fitimet e saj./ https://shendeti.com.al/
