Për minuta të tëra policia e shtetit bllokon në trafik ambulancën me sirena ndezur për të kaluar në bulevard eskorta e kryetarit të Senatit të Republikës Çeke, Milan Štěch.
Ngjarja ka ndodhur në mes të Tiranës, në një nga kryqëzimet me Unazën, përpara vendit të njohur si “Piramida”, ku siç shihet nga videoja e publikuar nga aktori Indrit Çobani, patrulla e policisë së shtetit, i detyruar të zbatojë urdhrat e shtetit, le të presë ambulancën e nisur me urgjencë, pavarësisht se dëgjohen shumë mirë sirenat.
“Për kë bien këto sirena?! Prit i sëmurë prit…. Për minuta të tëra sot policia e shtetit bllokoi në trafik një urgjencë mjekësore duke i dhënë përparësi burokratëve me kollare….. #policiaqeduam” – shkruan Çobani.
Ngjarja nuk ka nevojë për shumë koment, pasi pamjet janë vërtet të rënda dhe tregojnë se vetëm në Shqipëri mund të ndodhë diçka e tillë.
