Agjencitë e Kombeve te Bashkuara në Shqipëri kanë vendosur një partneritet me kinematë Millennium dhe Cineplexx për t’i bërë Objektivat e Zhvillimit të Qëndrueshëm të njohura në Shqipëri.
Ato do të shfaqin një spot para çdo filmi, ku tregohet për fushatën më të fundit të OKB-së për të promovuar Objektivat e Zhvillimit të Qëndrueshëm. Spoti do të shfaqet për 10 ditë.
Më 25 shtator në OKB, 193 liderë botërorë miratuan Objektivat Globale, ose Objektivat për Zhvillim të Qëndrueshëm, një seri prej 17 synimesh ambicioze për t’i dhënë fund varfërisë, për të luftuar pabarazinë e padrejtësinë, dhe për të trajtuar ndryshimin e klimës për të gjithë deri në vitin 2030.
Këto 17 objektiva janë:
- Pa varfëri
- Zero uri
- Shëndet i mirë dhe mirëqenie
- Arsim cilësor
- Barazi gjinore
- Ujë i pastër dhe kanalizime
- Energji e përballueshme dhe e pastër
- Punë dinjitoze dhe rritje ekonomike
- Industri, inovacion dhe infrastrukturë
- Zvogëlim i pabarazive
- Qytete dhe komunitete të qëndrueshme
- Konsum dhe prodhim i përgjegjshëm
- Veprim për klimën
- Jeta nën ujë
- Jeta në stere
- Paqe dhe drejtësi, institucione të forta
- Partneritet për objektivat
