Kafja njihet për vetitë e saj energjike dhe per uljen e rrezikut të depresionit. Por ajo që duhet të dini, është se llumi i kafes është po aq i rëndësishëm sa edhe vetë kafja. Ja disa përdorime efektive të llumit të kafes:
Maskë fytyre: ka disa vite që kompanitë më të mëdha kozmetike e përdorin kafen si një nga përbërësit kryesor në produktet e tyre. Kafja mund të përdoret edhe në maska të ndryshme për të gjitha llojet e lëkurës për të mënjanuar puçrrat, aknet dhe për t’i dhënë elasticitet lëkurës.
Maskë flokësh: masazhoni lëkurën e kokës me llumin e kafes dhe flokët do t’ju rriten më shpejt. Llumi i kafes mund të përdoret edhe në vend të balsamit të flokëve për të shkatërruar flokët e çrregullt.
Redukton celulitin: përzieni llumin e kafes me vaj kokosi dhe kripë dhe masazhojeni zonën ku keni celulit me lëvizje në mënyrë rrethore. Bëjeni këtë gjë 2 herë në javë dhe do të keni rezultate të dukshme.
Neutralizon erëat e pakëndshme të enëve: në rastet kur keni lënë një ushqim për një kohë të gjatë në frigorifer dhe ushqimi është prishur, mban një erë të pakëndshme. Llumi i kafes ju vjen në ndihmë në këto raste për të neutralizuar erën e keqe të enëve.
Mbron bimët: llumi i kafes mund të përdoret në formë plehu dhe mban larg bakteret e ndryshme që dëmtojnë bimët. Llumi i kafes ndryshon ngjyrat e luleve në varësi të nivelit të pH të tokës.
Përshtati në shqip për “Shëndet+”: Daniela Bardhi
