Agjencia Evropiane e Barnave deklaroi pas mbledhjes se përfitimet e vaksinës anticovid AstraZenecas tejkalojnë rreziqet që mund të shkaktojë.
Komentet nga Agjencia Evropiane e Barnave vijnë pas raporteve të mpiksjes së gjakut në disa njerëz që u vaksinuan.
Ndërhyrja e saj ndjek masat dramatike nga disa shtete anëtare të BE-së për të ndaluar përdorimin e vaksinës së Astrazenecas.
Drejtoresha ekzekutive e EMA, Emer Cooke tha se ishte e shqetësuar që vendimet e qeverisë mund të minojnë mbështetjen e publikut për vaksinat.
“Ne jemi të shqetësuar se mund të ketë një efekt në besimin tek vaksinat,” tha Cooke në një konferencë shtypi të thirrur me ngut përpara se EMA të bëjë një rekomandim më zyrtar.
“Detyra jonë është të sigurohemi që produktet që ne autorizojmë janë të sigurta dhe mund t’u besohen qytetarëve evropianë.”
Ministrat e shëndetësisë së BE-së diskutuan shqetësimet mbi efektet anësore.
Cooke nuk pranoi të rendiste të gjitha përfundimet e mundshme.
Por gjithashtu ajo tha se “një situatë si kjo nuk është e papritur kur vaksinoni miliona njerëz“, dhe nuk ka “asnjë tregues se vaksinimi i ka shkaktuar këto kushte.”
Sot, kancelari austriak Sebastian Kurz bëri thirrje për një “mekanizëm korrigjimi” të shpërndarjes së vaksinave në BE për të shmangur tensionet politike.
Duke folur në Vjenë së bashku me kryeministrat e Republikës Çeke, Bullgarisë dhe Sllovenisë, ai nuk pranoi të tërhiqej se si duhet të funksionojë një mekanizëm i tillë, përveç se sipas tij, parimi udhëzues duhet të jetë që çdo shtet anëtar të ketë të njëjtën qasje në dozat e vaksinave në të njëjtën kohë.
Kurz tha se udhëheqësit ishin tashmë në bisedime me Presidenten e Komisionit Evropian Ursula Von der Leyen rreth propozimit të tyre.
Ndërhyrja e fundit e EMA-s vjen një ditë pasi Franca, Gjermania dhe vendet e tjera ndryshuan kursin e vaksinës, duke pezulluar përdorimin e saj pasi filluan injeksionet fillimisht. Fillimisht shqetësimet u ngritën në Austri dhe Danimarkë, të cilat ndaluan së përdoruri doza të AstraZeneca javën e kaluar.
Ministria e Shëndetësisë e Gjermanisë tha se shtatë nga 1.6 milion njerëz që morën vaksinën Astrazeneca kohët e fundit përjetuan mpiksje gjaku në zonën e trurit. Kjo është më e larta se 1 deri në 1.4 raste që normalisht do të priteshin në një mostër të tillë të popullsisë për një periudhë të ngjashme kohore.
Të martën, Britania e Madhe përsëriti se vaksina AstraZeneca, e cila u zhvillua në Universitetin e Oksfordit, është “e sigurt dhe efektive”.
Cooke theksoi nevojën për të marrë kohë për të vlerësuar çdo rast të raportuar dhe për të dalë me një vlerësim të bazuar në shkencë.
“Ky është një shqetësim serioz që kërkon analiza të hollësishme të të gjitha rasteve që raportohen dhe vlerësoni nëse kjo është një rastësi apo me të vërtetë një efekt shkakësor.”
